Iria Pedreira

Iria Pedreira (Ordes, 1991) é filóloga clásica e doutora en Textos da Antigüidade Clásica e a súa Pervivencia pola Universidade de Santiago de Compostela. O seu labor como investigadora centrouse nos estudos de recepción, na tradición clásica e na influencia das literaturas grega e latina na literatura dramática galega.

Como tradutora de textos gregos, publicou as primeiras traducións ao galego de Caracteres de Teofrasto (2017) e de Ión e Ciclope de Eurípides (2021). Está vinculada a diversos proxectos de crítica literaria na rede e colaborou como escritora na obra divulgativa Ferreñas e Rock and Roll (2019). Con Melpómene entre nós amplía os marcos das súas indagacións sobre a proxección do mundo grecolatino no teatro galego, un traballo que comezou coa súa tese de doutoramento dirixida por María Teresa Amado Rodríguez.

2023:
MELPÓMENE ENTRE NÓS