Raúl Dans

Raúl Dans (A Coruña, 1964). Autor teatral, guionista e actor de dobraxe. O teatro de Dans obtivo o recoñecemento dos premios Rafael Dieste, Álvaro Cunqueiro, Laudamuco e, tamén, o Born en dúas ocasións e o Jardiel Poncela da SGAE por As cancións que lles cantaban aos cativos.

Entre as súas obras destacan: Matalobos, Lugar, Derrota, Chegamos despois a unha terra gris (Premio AELG 2012 de Teatro), Nachtmahr e Só un home bo (Premio Follas Novas de Teatro 2021). Ademais, Dans escribiu o ensaio Confesións dun practicante. As aventuras dun dramaturgo en Galicia (Tris Tram), no que reflexiona sobre a súa traxectoria profesional e a súa escritura. Creador, argumentista e dialoguista de series de ficción (A miña sogra e mais eu, Pratos combinados, A vida por diante…), Dans obtivo o Premio Mestre Mateo de Guión con Terra de Miranda (2003) e As leis de Celavella (2005).

Edicións Laiovento publicou en 2020 unha edición definitiva de Unha corrente salvaxe xunto con Historia dunha descoñecida, nun volume que tivo unha ampla e moi favorable recepción crítica.

2021:
DFW NAS PROFUNDIDADES DA TRISTEZA INFINITA. AS CANCIÓNS QUE LLES CANTABAS AOS CATIVOS.

2020:
UNHA CORRENTE SALVAXE. HISTORIA DUNHA DESCOÑECIDA.