SURSUM CORDA

Os poemas que se recollen neste libro, dun xeito ou doutro, só se refiren ao viño e aos viños. Non se trata dunha antoloxía –ao mellor si, calquera sabe– senón dunha vendima feita por dous amigos que aman o viño e a poesía ou a poesía e o viño e que nos mostran os poemas da súa preferencia, o único xeito verdadeiro de tratar a Poesía. Os poetas que compuxeron estes versos deixáronse encantar polo viño e por iso o cantaron dun xeito fermoso e apaixonado.