+34 602 428 382 · info@laiovento.gal
Editorial de libros en galego e portugués
Edicións Laiovento é unha editorial de libros en galego e portugués. Esta editorial comprácese de promover e difundir a literatura nestas dúas linguas, honrando a súa riqueza cultural e fomentando o seu desenvolvemento. O galego e o portugués son linguas irmás, compartindo raíces históricas e vínculos culturais profundos. Publicando libros en galego e portugués buscamos dar voz aos escritores e poetas que se expresan nestes idiomas, contribuíndo á diversidade literaria.
Aviso aos/ás autores/as: Edicións Laiovento non garante a lectura nin a resposta de orixinais non solicitados.
UN DEMÓCRATA FRONTE Á BARBARIE FASCISTA
Francisco Xavier Redondo Abal
Enrique Peinador Porrúa morreu fusilado o 27 de abril de 1940 en Madrid cando acababa de cumprir 38 anos. Avogado, galeguista, militante de Izquierda Republicana e masón, o seu compromiso coas liberdades democráticas e coa Galiza que en 1936 comezaba a entrever un futuro de seu, fican fóra de toda dúbida. O golpe de Estado de xullo rachou coas primeiras e tronzou as aspiracións da segunda. A guerra, con toda a súa crueza, esmagou vidas e proxectos e o réxime lexítimo da Segunda República só tiña unha resposta: resistir.
Peinador foi un home lonxe de apaixonamentos revolucionarios, non era un marxista. Cría nas leis, na tolerancia e no respecto. Tamén na igualdade e na solidariedade. Por iso, custa entender que un tribunal militar ditase a última pena contra el e outras 43 persoas nun célebre e irregular consello de guerra celebrado no Madrid da posguerra. A xustiza de Franco aplicada dende unha óptica vingativa, sen garantías xurídicas e cunha mensaxe carente de humanidade.
A presenza como xuíz de Peinador no Comité Provincial de Investigación Pública así como o seu paso en calidade de fiscal acusador contra elementos da Quinta Columna madrileña, pesaron máis que os informes favorábeis de moitos dereitistas salvados dunha morte segura por Enrique. Inocente en todos os sentidos, o seu fusilamento respondeu a súa condición de vencido e, en especial, ao carácter de exemplaridade do tribunal fascista que, de maneira alucinante, xulgou acusando de rebelión militar a aqueles que permaneceran fieis ao réxime constitucional e lexítimo.
DO REINO (E) DOS AMORES PROSCRITOS
Afonso Becerra de Becerreá
Do reino (e) dos amores proscritos. Unha viaxe á Idade Media máis colorida é unha dramaturxia que evoca e invoca as orixes da cultura galega e de Galiza. Desde os primeiros asentamentos humanos no noroeste da Península Ibérica, pasando pola lenda dos celtas, pola romanización e recuncando no Reino de Galiza. Unha proposta lúdica, na que o texto xoga con varios rexistros: documental, conto, poema, cantiga, diálogo teatral, para (re)crear historias e convocar presenzas de artistas, os trobadores e as soldadeiras, de mulleres pioneiras, as primeiras raíñas, e de amores que aínda hoxe nos poden sorprender. Compoñen este tapiz mutante as evocacións dos trobadores Martín Códax, Mendiño e Xoán de Cangas, da soldadeira María Balteira, das raíñas Sancha e Urraca, dos amores entre Pedro e Munio e entre María Leve e Sancha Pérez, alén doutras figuras citadas.
USTED DEBERÍA SABER
Manuel Monge González
¿Es la democracia española una ruptura real con la dictadura o una sofisticada operación de continuidad? En un contexto donde el revisionismo histórico gana terreno y las nuevas generaciones desconocen las raíces de su presente, Manuel Monge González nos entrega en Usted debería saber un contundente «panfleto pedagógico» diseñado para agitar conciencias. Lejos de la equidistancia académica, el autor construye un ensayo militante y exhaustivamente documentado que desmonta, dato a dato, el relato oficial de una Transición modélica para revelar las grietas de un sistema edificado sobre la desmemoria.
