Francisco Pillado Maior

Francisco Pillado Maior, cofundador e director de Edicións Laiovento, dirixiu, entre outras coleccións, Cadernos da “Escola Dramática Galega”, Cadernos da Sala “Luis Seoane” e a revista “Casahamlet”.

Versionou e traduciu ao galego obras de F. García Lorca, Antón Chekhov, Osvaldo Dragún, Jean Genet, Michel de Ghelderode, Samuel Beckett, Jean-Paul Sartre, e Mario Benedetti, entre outros. En colaboración con M. Lourenzo publicou: O Teatro Galego, Antoloxía do Teatro Galego, Dicionário do Teatro Galego (1671-1985) e Guía das obras dramáticas de Álvaro Cunqueiro.

Autor, con Miguel Anxo Fernán-Vello, dos libros: Conversas en Compostela con Carballo Calero, A Nación incesante. Conversas con X. M. Beiras e A estrela na palabra. Novas conversas con X. M. Beiras.

En 1991, o mesmo ano en que se crea Ed. Laiovento, publica o libro O Teatro de Manuel Lugris Freire (Ed. do Castro).

O concello de Ribadavia concedeulle o Premio Abrente de Honra 2012, ao mérito nas Artes Escénicas, por iniciativa da Mostra Internacional de Teatro de Ribadavia.

2012 :
BANQUEIROS

2004 :
A ESTRELA NA PALABRA

2000 :
A NACIÓN INCESANTE