Usamos cookies propias e de terceiros para mellorar os nosos servizos e obter información estadística:
Se continúa a navegar, consideramos que acepta o seu uso segundo as opcións seleccionadas.
Para obter máis información e saber como cambiar a configuración prema aquí.
O presente volume é unha recompilación exhaustiva da totalidade das viñetas que Laxeiro fixo para a prensa. Este traballo, actualmente non moi coñecido, de quen chegou a ser unha figura fundamental na renovación da arte galega do século XX, é publicado por primeira vez de forma completa e significa, por tanto, unha achega imprescindible para o coñecemento, tanto dos inicios dun dos artistas galegos máis relevantes de tódolos tempos, como do humor gráfico na Galicia daquela época.
Estes traballos datan dos anos 1928, 1929 e de xaneiro de 1930. Laxeiro tiña entre vinte e vinte e un anos e son o primeiro traballo profesional dun artista, aínda mozo, que demostra xa unha grande madurez e unhas dotes excepcionais para o debuxo, así como un fino sentido do humor.
O libro complétase con tres textos que abordan esta faceta de Laxeiro dende tres perspectivas ben diferentes, como son a circunstancia persoal e biográfica; o aspecto estilístico e antropolóxico e, por último, a contextualización no panorama do humorismo gráfico da época.
Título: OS MONOS DE LAXEIRO
Obra humorística na prensa
Autor: Laxeiro (José Otero Abeledo)
Compostela, 2018
EDICIÓN IMPRESA
peto 14x21cm
144 páxinas
ISBN: 978-84-8487-408-9
prezo 17,50 €
EDICIÓN EBOOK
ISBN: 978-84-8487-409-6
prezo 8 €




Editorial de libros en galego de ensaio, narrativa, poesía e teatro