Henrique Harguindey Banet

Henrique Harguindey Banet (Lugo, 1946) é un escritor e tradutor coñecido pola súa contribución á cultura galega. Catedrático de Francés, casou coa mestra e escritora Maruxa Barrio, unión da que naceu o crítico de banda deseñada Breixo Harguindey Barrio. Tamén foi concelleiro en Cangas e promotor da Agrupación Cultural O Facho. Como escritor publicou A saquetiña da lingua, O fío da lingua e outras obras de divulgación, e como tradutor do francés, A noite xusto antes dos bosques e mais Combate de Negro e de can, de B.-M. Koltès; Macbett, de E. Ionesco; O reiciño de Galiza, de Victor Hugo; Cándido ou o optimismo, de Voltaire; Os construtores de imperios ou O Schmürz, de B. Vian; O Cuarto libro, de F. Rabelais; O burgués fidalgo, e O Tartufo, ambas de Molière, etc.

2023:
O RAPOSO RENARTE E O LOBO GRISENGRÍN

2018:
O TARTUFO

2010:
DESAPRENDA A FALAR GALEGO EN 15 DÍAS COS ERROS DUN TRADUTOR AUTOMÁTICO

2005 :
O FÍO DA LINGUA