Manuel Castelao Mexuto

Manuel Castelao Mexuto (Santiago de Compostela, 1956) ten unha longa carreira como catedrático de Lingua e Literatura no ensino secundario.

O seu traballo crítico centrouse na literatura contemporánea e, en particular, os lugares do suxeito e da Galiza nela, o que deu pé a unha tese de doutoramento “cum laude” e premio extraordinario na Universidade da Coruña.

Publicou os libros Novoneyra/Celso Emilio, Manoel-Antonio: De catro a catro, Álvaro Cunqueiro: O incerto señor don Hamlet e A máquina ousada. Pondal e a literatura, alén de estudos sobre Anxo Rei Ballesteros, entre outros.

Recibiu o Premio Carvalho Calero, na edición do Centenario, polo ensaio Elucidacións na sombra. Carvalho Calero en escena.

O seu esforzo oriéntase a facer accesíbel o coñecemento apaixonado da literatura como xenuíno proceso de comunicación social, pois aquela, aínda se se vivir en privado, é asunto público de alcance transcendente

2023:
LOAIRA

2022:
CABANILLAS / OTERO PEDRAYO

2020:
A MÁQUINA OUSADA

2019:
ELUCIDACIÓNS NA SOMBRA (2ª Ed.)

2011 :
ALVARO CUNQUEIRO

2010 :
MANOEL- ANTONIO DE CATRO A CATRO

2009 :
NOVONEYRA / CELSO EMILIO