Anxo A. Rei Ballesteros

Anxo A. Rei Ballesteros (Ardesende-Codeso, Boqueixón, 1952 - A Coruña, 2008) é un dos autores maiores da literatura galega contemporánea. Alén de Loaira (1992, premio Losada Diéguez), publicou Dos anxos e dos mortos (1977), Non sei cando nos veremos (2005) e o volume de relatos A sombra dos teus soños (1998).

Cultivou o teatro con éxito en Xogos de damas (1988) e brillou como pensador en Tempo e vinganza (1989, premio Ramón Piñeiro) e Urda e mundo (2007, Premio Ánxel Fole, en colaboración con C. Fernández). Despois da súa morte foron publicadas as novelas A noite de moucho, Dezanove badaladas (escrita na adolescencia) e o ensaio Presenza dunha ausencia. En A dificultade de falar compiláronse outros textos ensaísticos e artigos.

Tamén realizou espléndidas traducións de Samuel Beckett (Molloy, 2006) e La voz humana (de Jean Cocteau, 1991), cuxa escenificación el dirixiu e Marisa Soto protagonizou en inesquecíbel interpretación.

2023:
LOAIRA