+34 602 428 382 · info@laiovento.gal
Editorial de libros en galego e portugués
Edicións Laiovento é unha editorial de libros en galego e portugués. Esta editorial comprácese de promover e difundir a literatura nestas dúas linguas, honrando a súa riqueza cultural e fomentando o seu desenvolvemento. O galego e o portugués son linguas irmás, compartindo raíces históricas e vínculos culturais profundos. Publicando libros en galego e portugués buscamos dar voz aos escritores e poetas que se expresan nestes idiomas, contribuíndo á diversidade literaria.
Aviso aos/ás autores/as: Edicións Laiovento non garante a lectura nin a resposta de orixinais non solicitados.
RUTH MATILDA ANDERSON
Alba Rodríguez Saavedra
Ruth Matilda Anderson (Nebraska, 1893-Nova York, 1983), conservadorada Hispanic Society of America, ficou na periferia dos rexistros literarios galegos durante case un século, mesmo malia ser a maior tradutora de Rosalía de Castro co par galego-inglés ata 1964.
Neste libro desenmascáranse os diferentes mecanismos que, consonte o investigado por Alba Rodríguez Saavedra, desde 1939, operaron e operan para manter afastada do noso sistema Gallegan Provinces of Spain. Pontevedra and La Coruña, a monografía referencial de Anderson sobre Galicia e a única desta tipoloxía que publicou.
Nela, ademais das devanditas traducións e de presentar unha análise exhaustiva do país alicerzada na documentación histórica, literaria e etnográfica, reflíctese con claridade, a través da cesión da palabra ás protagonistas, a dureza da vida das mulleres rurais da altura, así como o compromiso feminista de dúas escritoras paradigmáticas, Rosalía de Castro e Emilia Pardo Bazán.
Ruth Matilda Anderson, investigadora, fotógrafa, tradutora e ensaísta, reivindicou a Galicia do campesiñado, das mulleres e da infancia, trasladando unha visión complementaria á que tradicionalmente ofreceu a nosa historiografía canónica. Esta subversión, baseada nun proceso de tradución de dobre vía (galego-inglés e inglés-galego), puido ser, consonte se argumenta neste libro, o motivo da súa expulsión ás marxes, desde onde agora é reclamada para recuperarmos os testemuños dun tempo e dunhas vidas quese nos ocultaran.
ET IN GALLAECIA EGO
Pär Larson
Tradución, adaptación e revisión: Mariña Arbor Aldea
Os misterios da lírica medieval
Armado coa precisión dun paleógrafo e a audacia irredutible do neófito, o romanista sueco Pär Larson converteuse no detective máis perspicaz dos manuscritos medievais. Nestes oito estudos, interroga códices galego-portugueses coma se fosen testemuñas silenciosas de crimes literarios, desentrañando secretos que durante séculos permaneceron sepultos baixo capas de tradición crítica errónea.
EMPATÍAS
Fernando Dacosta
En Empatías Fernando Dacosta interroga un dos conceptos máis complexos da experiencia humana. Doce pezas narrativas e poéticas articúlanse como un mosaico inquietante. A empatía non aparece aquí como territorio seguro, senón como unha zona ambigua onde a comprensión pode ser transformadora, perigosa ou imposible.
