Utilizamos cookies propias e de terceiros para mellorar os nosos servizos e obter información estadística.

Se continúa a navegar, consideramos que acepta o seu uso.

Para obter máis información e saber como cambiar a configuración prema aquí.

Santiago de Compostela. Galiza
+34 669 419 048 · info@laiovento.gal
language
GL | EN

IGNACIO RAMONET E RAMÓN CHAO EN TRIUNFO

Ramón Chao e Ignacio Ramonet, dous recoñecidos analistas da globalización desde unha perspectiva inequivocamente altermundista, comezaron a súa longa e intensa andaina xornalística e política no mesmo momento en que se estabelecían as bases políticas que fixeron posíbel a globalización.

Naqueles anos, xa afastados, Chao e Ramonet, Ramonet e Chao, acometeron a difícil tarefa de participar a dúas voces, como no seu momento fixeran Neruda e Lorca no discurso de agradecemento dunha homenaxe que lles tributara o Pen Club de Bos Aires, na busca de respostas a un mundo en crise. Daquela, comezaron unha serie de entrevistas a algúns dos persoeiros máis relevantes do momento, aqueles que polo seu pensamento ou a súa obra eran referentes para pensar o mundo.

Neste libro recóllense algunhas desas entrevistas, publicadas orixinalmente na revista Triunfo, que, malia os anos pasados, non deixan de estar de actualidade, como a realizada a Leonardo Sciascia, analista metódico da mafia e das accións violentas das Brigadas Vermellas, a Michèle e Armand Mattelart, que teorizaban sobre as novas orientacións da información, a Gabriel García Márquez, que neses momentos iniciaba a guerra contra a información monopolística, ou a Costa Gravas, que con Z e Missing principiaba o seu labor cinematográfico contra as ditaduras, que agora prosegue contra o neoliberalismo.

Non se pode dicir que esas entrevistas non 'avellentasen', pois é obvio que os anos tamén pasaron por elas, como por todos nós. Porén, pareceunos tan interesante ver a evolución deses personaxes como reconfortante comprobar que, aqueles que viven, seguen a crear obras e teorías na mesma dirección que hai un cuarto de século e que, en xeral, os que desapareceron foron fieis á literatura e á xustiza.

Título: IGNACIO RAMONET E RAMÓN CHAO EN TRIUNFO

Autores:

Fora de Serie, 12

Santiago, 2005

EDICIÓN IMPRESA

16x21cm

121 páxinas

ISBN: 978-84-8487-079-0

prezo 11,00 €

MERCAR
A VIAXE XEOMÉTRICA DE DOMINGO FONTÁN
AS MULHERES DA CASA DA BOUÇA DA ROUPA ESTENDIDA
DFW NAS PROFUNDIDADES DA TRISTEZA INFINITA. AS CANCIÓNS QUE LLES CANTABAS AOS CATIVOS.
PERMANENCIA
MOCIÑAS (2ª ED)
A VERDE PEL DE GAIA
RECTIFICAR A HISTORIA
O SPLEEN DE PARÍS
A REVOLUCIÓN EN MARCHA
OS SANTOS DAS NACIÓNS
UNA MONARQUÍA CORRUPTA Y HEREDERA DEL FRANQUISMO
CATAS NA MEMORIA
PROSAS DE COMBATE E MALDICER (2ª ED)
© Edicións Laiovento, 2016-2021 · todos os dereitos reservados · privacidade · política de cookies · condicións de uso e venda