Usamos cookies propias e de terceiros para mellorar os nosos servizos e obter información estadística:
Se continúa a navegar, consideramos que acepta o seu uso segundo as opcións seleccionadas.
Para obter máis información e saber como cambiar a configuración prema aquí.
En Carta ao señor futuro atopamos o Eduardo Galeano que alza a súa voz contra as políticas neoliberais e contra os retrocesos nas conquistas e dereitos da clase traballadora; o Eduardo Galeano que pon a súa palabra ao servizo da denuncia dos intereses ocultos detrás das guerras imperialistas; o Eduardo Galeano que advirte do perigo que supón abusar da biotecnoloxía; o Eduardo Galeano que alerta contra as causas humanas dos mal chamados desastres 'naturais'; o Eduardo Galeano que combate a hipocrisía e o cinismo dos poderosos, a usurpación da democracia polos consellos de administración das empresas transnacionais, a perda de soberanía dos pobos que son gobernados por gobernantes que non gobernan porque son monicreques do gran capital; o Eduardo Galeano que se indigna fronte á exclusión e á pobreza de millóns de seres humanos, fronte á discriminación e ao racismo, fronte ao xenocidio dos pobos, fronte ao machismo...
Mais neste libro atopamos tamén o Eduardo Galeano que observa a realidade para transformala, pondo a súa palabra a favor da dignidade proletaria, da solidariedade, do dereito á rebeldía e a soñar.
Título: CARTA AO SEÑOR FUTURO
Autor: Eduardo Galeano
Catálogo Xeral, 226
Santiago, 2007
Ensaio
EDICIÓN IMPRESA
peto 14x21cm
163 páxinas
ISBN: 978-84-8487-133-9
prezo 13,00 €