O ATRASO ECONÓMICO DA GALIZA (4ª ed.)

Veñen de se cumplir corenta e oito anos dende o vran no que escribira O atraso no Can do Penedo de Bueu. Morfolóxicamente, todo mudou entre a Galiza que eu tentei ‘retratar’ hai cinco decenios e a de arestora. Haberá quen pense que para millor -feliz el. Certamente, o atraso, como síndrome da nosa realidade social, é sen dúbida pasado. Mais a patoloxía subxacente que se manifestaba daquela na realidade ostensíbel en forma de atraso, foi erradicada?. Ou só mudaron as formas en que se manifesta na superficie do noso corpo social?. Foron erradicadas as causas das nosas graves doenzas, ou só mudaron os síntomas?. No cerne da cuestión: deixou Galiza de ser unha colonia interna da formación capitalista española, ou simplesmente pasou a ser tal a respeito da Unión Europea, e o Estado Español un ‘protectorado’ dela?.

Xosé Manuel Beiras Torrado