Usamos cookies propias e de terceiros para mellorar os nosos servizos e obter información estadística:
Se continúa a navegar, consideramos que acepta o seu uso segundo as opcións seleccionadas.
Para obter máis información e saber como cambiar a configuración prema aquí.
Perguntémonos por que cómpre continuarmos a celebrar Carvalho Calero (Ferrol, 1910-Santiago de Compostela, 1990). Responderemos en forma de esquema que resume o sentido dos traballos compilados neste libro: a) porque o merecen a súa persoa e a súa obra; b) porque a súa vida e traxectoria abranxen un século XX á galega que coñeceu acontecementos fundamentais da nosa historia contemporánea, de que el foi testemuña e/ou protagonista, como membro activo do Seminario de Estudos Galegos e do nacionalismo dos anos 20 e 30; c) porque é artífice directo e perseverante da construción cultural galega dese século; d) por ser o escritor da súa xeración que máis e mellor contribuíu ao engrandecemento da literatura galega en todos os xéneros; e) porque a súa obra estritamente de creación literaria (poesía, teatro, narrativa) abondaría, alén da súa inmensa obra científica, para lle consagrar unha atención máis aló do Día das Letras Galegas.
Ricardo Carvalho Calero non ten data de caducidade ou data de validade. Este libro é tributario deste recoñecemento e ilumina aspectos fundamentais da súa dedicación á lingua galega, á creación literaria e ao estudo da literatura como arte fundamental da nación galega.
Título: RECTIFICAR A HISTORIA
Escritos sobre Ricardo Carvalho Calero
Autor: Maria Pilar García Negro
Catálogo Xeral, 396
Compostela, 2021
Ensaio
EDICIÓN IMPRESA
peto 14x21cm
216 páxinas
ISBN: 978-84-8487-519-2
dispoñíbel en IBD
prezo 17,95 €
EDICIÓN EBOOK
ISBN: 978-84-8487-520-8
prezo 8,00 €