Xosé Constenla Vega

Xosé Constenla Vega (Compostela, 1980) é licenciado en Xeografía pola USC (2002) e técnico especialista en Sistemas de Información Xeográfica (2006). Foi profesor de Xeografía na UDC e investigador do Instituto de Estudos e Desenvolvemento de Galicia (IDEGA).

Publicou máis dunha ducia de traballos e artigos en distintas revistas de ámbito estatal e internacional.

Participou en numerosos traballos de investigación centrados no estudo dos procesos de urbanización das cidades galegas. Como investigador obtivo o Diploma de Estudos Avanzados pola USC en 2005 coa lectura do traballo (re)Imaxinando o universo urbano.

Na actualidade centra os seus esforzos no estudo da lóxica espacial da acumulación do capital no territorio de Galiza e nos procesos de transformación xeosocial e cultural que esa lóxica suscita na cidade.

Actualmente traballa como xeógrafo na Área de Urbanismo e Ordenación do Territorio de IDOM.

Como cantautor ten publicados dous traballos discográficos: Quen fixo berrar ao silencio (Setestrelo, 2004) e Olladas dun entusiasta (Setestrelo, 2008).

2010 :
(RE)IMAXINANDO O UNIVERSO URBANO