Benjamin Constant

Henri Benjamin Constant de Rebecque (1767-1830), na sociedade do seu tempo, foi primordialmente coñecido polas súas actividades e os seus escritos na política, e máis polas súas numerosas e sonadas relacións amorosas. Casou dúas veces, mais tivo apaixoadas relacións con mulleres tan famosas como Madame Récamier e, sobre todo, Madame de Staël, con quen mantivo unha duradeira e, por veces, tormentosa ligazón dende 1794 deica a morte dela en 1817. Na política, polémico e arriscado, tanto foi amigo de Talleyrand ou Fouché, como exiliado por Napoleón e logo nomeado por el no Consello de Estado, para rematar como deputado na estrema esquerda liberal, e escribiu obras posteriormente eclipsadas pola súa única novela, Adolphe, escrita en 1806, mais editada en 1816: modelo de análise psicolóxica e obra mestra e pioneira da literatura romántica, precursora en tres lustros de Le rouge et le noir de Stendhal.

2020:
ADOLPHE