+34 602 428 382 · info@laiovento.gal
Héitor Picallo Fuentes
Héitor Picallo Fuentes (Vila do Baño – Cuntis, 1974) é enxeñeiro técnico naval pola UDC. Alén de ilustrar libros, combina o seu oficio coa a investigación, sendo obras súas: Xohán Xesús González: un precursor do soberanismo galego (2008); Coa lingua na terra (2013), Cuntis na época romana (2016); No medievo, castañas e castiñeiros como recursos económicos (2018); As letras galegas en caricatura (2020); O escudo do Reino da Galiza: unha (re)visión (inter)nacional e A onomástica nacida da terra (2021). A elas súmanselle varios títulos infantís e outros de coautoría. Traballos seus ven a luz en Adra, Compostellanum, Conimbriga, Murguía, El Museo de Pontevedra, Raigame, Tapa, A Trabe de Ouro... Conta cos premios de xornalismo Máximo Sar (2005) e Reimóndez Portela (2012). É padroeiro tanto do Museo do Pobo Galego como da Fundación Antonio Fraguas e, no eido das artes plásticas, ten exposto en diversas institucións museográficas galegas.
Información relacionada
