TEATRO GALEGO 1915-1931

A historia do Teatro Galego é aínda unha das materias pendentes da nosa crítica literaria. Cada estudioso aportou a súa propia periodización, aspirando a cubrir os desaxustes e incoherencias que atopaba na breve historiografía dramática, nun intento de racionalizar unha serie de datos e datas que semellaban dislocados.

Este libro non é un intento máis. Sen prescindir da tradición historiográfica, a autora deste traballo volveu ás fontes orixinais, ás publicacións periódicas e aos arquivos públicos e privados, para comprobar que todos eses datos eran certos, e así puido documentar que moitas das “verdades” admitidas como incuestionábeis pola crítica estaban erradas.